За да постигнеш фитнес резултат со кој ќе бидеш среќен/а, најважно е да се има желба, упорност и дисциплина за постојано да се вложува во себе. Ова е мотото според кое се води Марија Спасовска. 💪
Главна мотивација за да започнам со вежбање ми беше желбата да изгледам добро, а со тоа и да се чувствувам добро. Мојата фитнес цел е да си ја зголемам мускулната маса и да го намалам процентот на масти во телото.
Најголем предизвик со кој што таа се соочила, било да најде време за вежбање со сите обврски во денот, но и мотивација да не пропушти тренинг дури и кога не ѝ е денот.
Alica Ѕchmidt е нејзината фитнес мотивација и личноста од која што црпи инспирација кога ѝ е потребна.
Имам по 4 тренинзи неделно што се состојат од денови за трчање, нозе, push и pull. Омилени справи ми се Lat pull down, Тreadmill, Аbductor и Leg extension.
Марија нема строго одреден режим на исхрана, но навистина се труди да внесува доволно протеини за да има подобри резултати од тренинзите.
Моја цел за 2024 беше да истрчам маратон и со задоволство можам да кажам дека ја остварив. Општата фитнес цел во новата 2025та година ми е да бидам подобра и поздрава верзија од себе.
✅ Верувајте му на процесот.
✅ Поставете реалистични фитнес цели.
✅ Бидете конзистентни во вежбањето.
