Бојан Живковиќ
Она на што особено се радувам и целосно се насочувам е Skill X методот на тренинг што за прв пат ќе биде застапен кај нас. Истиот се заснова на вешт атлетски метод, избалансиран формат на тренинг, за кој научно е докажано дека ги зголемува физичките капацитети. Сите тренинзи ќе бидат дизајнирани да ја надополнат моќта, агилноста, брзината и издржливоста на моите клиенти. Постојано ќе бидам тука да ги потсетувам зошто почнаа со тренинзи и ќе ги мотивирам никогаш да не се откажат, а со мојата посветеност ќе им докажам дека вежбањето е од исклучителна важност за добро здравје и долг живот.
Специјалност:
Моторичко – функционална подготовка на спортисти и рекреативци
Skill X
Валентин Димитриоски
Зголемена сила и флексибилност, издржливост, намален ризик од повреди и создавање на здрави навики на живот е само дел од она што сакам да им го пренесам на моите клиенти. Тренинзите ќе бидат прилагодени за потребите и можностите на секој од нив. Меѓу најважните лекции сакам да биде вистинското значење на зборот „диета”. Намалениот внес на храна во телото нема да нè доведе до губење на килограми, туку внесувањето на храна на пократки временски интервали и во соодветна количина е токму она што ќе ве донесе до посакуваниот изглед и тежина. Како вашето тело ќе изгледа и ќе се чуствува зависи во голем дел од тоа што ќе внесете како „гориво”. Нека вашето “summer body” трае цела година.
Специјалност:
Индивидуални и групни тренинзи
Трансформација и намалување на килограмите
Затегнување и тонирање на телото
Горан Филиповски
Тренингот за сила и кондиција е структуриран систем на вежбање кој има за цел да ја подобри физичката подготвеност, здравјето и отпорноста на повреди. Тој комбинира тренинг за сила, развој на експлозивност, издржливост, мобилност и опоравување во еден организиран пристап. Целта е да се изгради посилно, побрзо и поиздржливо тело кое ефикасно ќе одговори на спортските, работните и секојдневните барања.
Специјалност:
Strength & Conditioning
Powerlifting
Circuit Training