7 фитнес рецепти со тиква

Не можеме веќе да негираме дека есента е дојдена, па време е да ја прославиме оваа сезона со вклчување на една од нејзините препознатливи состојки во вашата здрава исхрана и фитнес рутина! Доколку помисливте на тиква, тогаш одговорот е ДА! Тиквата е богата со влакна, витамини и антиоксиданси, и ја поседува нутритивната моќ што може да ги зајакне вашите тренинзи и да ве држи на вистинскиот пат кон вашите фитнес цели.

Во Palestra Fitness Center, веруваме во тоа дека здравјето доаѓа со хранење на телото со хранливи, сезонски состојки. Па затоа, во овој блог ви одбравме седум фитнес рецепти со тиква, кои ќе го поддржат вашето здравје и фитнес патување. Уживајте!

1. Смути со тиква
Состојки:

• Пире од тиква – 1 чаша
• Млеко или грчка павлака со ниска масленост – 1 чаша
• Овесни снегулки – 1/4 чаша (околу 25гр.)
• Незасладено бадемово млеко, или друго по ваш избор. – 1/4 чаша (околу 60гр.)
• Екстракт од ванила – 1 лажичка
• Јаворов сируп – 2 лажички
• Цимет по желба
• Мраз

Подготовка:

Ставете ги сите состојки во блендер, и блендирајте додека не се соединат.

Нутритивни вредности:

2. Овесна каша со тиква

Состојки:

• Млеко нискомаслено (или млеко од јаткасти плодови по ваш избор) – 2 чаши
• Вода – 1 чаша
• Неварен овес – 2 1/2 чаши
• Пире од тиква – 1/4 чаша
• Екстракт од ванила – 1 лажичка
• Мед – 2 лажици
• Цимет по желба

Подготовка:

Измешајте ги во тенџере млекото и водата, и загрејте ги на средно-тивок оган 2-3 минути. Потоа додадете го овесот, пирето од тиква, екстрактот од ванила и циметот, па мешајте додека не се соединат добро. Оставете ја овесната каша да врие 2-3 минути.

Ако овесната каша е премногу густа, промешајте по една лажица вода додека не ја достигне саканата конзистентност.

Нутритивни вредности:

Бонус за исхрана: калиум: 267 мг; Железо: 14%; Витамин А: 40%; Витамин Ц: 6%; Калциум: 21%

3. Бомбици со тиква

Состојки:

• 8 урми, без коска
• Пире од тиква – 1/2 чаша
• Мед – 2 лажици
• Путер од кикирки – 65гр.
• Цимет – 1 лажичка
• Екстракт од ванила – 1/2 лажичка
• Сол – 1/4 лажичка
• Овес – 1 1/2 чаша
• Мелен овес – 1/2 чаша
• Мелено ленено семе – 2 лажици
• Црно чоколадо парчиња – 1/4 чаша

Подготовка:

Ставете ги урмите во процесор или блендер и блендирајте додека не формираат леплива смеса. Додадете го пирето од тиква, медот, путерот од кикирики, циметот, екстрактот од ванила и солта. Повторно блендирајте додека не се соединат. Потоа, префрлете ја смесата во поголем сад и додајте го овесот, мелениот овес, меленото ленено семе и чоколадото, и мешајте додека не се соединат убаво. Покријте ја смесата, и сместете ја во фрижидер најмалку 30 минути. Одкако ќе се излади, со лажичка извадете од смесата, смотајте го со дланките да се формира топче, ставете ги на хартија за печење или слично, и ставете ги повторно во фрижидер на кратко време. Би требало да ви излезат околу 22 бомбици.

Нутритивни вредности:

4. Палачинки со тиква

Состојки:

• Овесно брашно – 3/4 чаша
• Овес – 1/4 чаша
• Пире од тиква – 1 чаша
• Јајца – 2 големи
• Незасладено бадемово млеко (или ниско маслено млеко по ваш избор) – 1/4 чаша
• Екстракт од ванила – 1 лажичка
• Цимет – 1/2 лажичка
• Морско оревче – 1/2 лажичка
• Сол – 1/2 лажичка
• Сода бикарбона – 1/2 лажички
• Кокосово масло – 2 лажици

Подготовка:

Загрејте ја тавата на средна топлина. Во поголем сад измешајте ги сите состојки, со исклучок на кокосовото масло, и изматете ги убаво дур не се соединат. Ставете од кокосовото масло на тавата, и со кутлача или лажица за сладолед, ставете од тестото во тавчето во тркалезна форма. Оставете ја на тавчето 2-3 минути, и потоа сврете ја на другата страна. Би требало да ви излезат околу 4 палачинки.

Нутритивни вредности:

Бонус за исхрана: Калиум: 43 мг; Железо: 11%; Витамин А: 3%; Витамин Ц: 0%; Калциум: 5%

5. Домашен хумус од тиква

Состојки:

• Наут – 1 тегла/конзерва
• Пире од тиква – 1 чаша
• Таан – 2 лажици
• Сол и бибер по вкус
• Лук во прав – 1 лажичка
• Сок од лимон и лимонова кора рендана – 1/2 лимон
• Вода по потреба
• По избор: маслиново масло, семки од тиква, или слично по ваш избор.

Подготовка:

Наутот ставете го во цедалка и исплакнете го со ладна вода. Оставете го да се исцеди, потоа префрлете ги во процесор за храна или во блендер. Додадете пире од тиква, таан, зачините, лимонот и изренданата кора од лимон. Блендирајте до посакуваната конзистенција, и по потреба додадете вода.

Нутритивни вредности:

6. Путер од тиква

Состојки:

• Јаворов сируп – 1/4 чаша
• Вода – 1/4 чаша
• Шеќер од кокос – 1 лажица
• Цимет – 1/2 лажичка
• Мелено каранфилче – 1/4 лажичка
• Морско оревче – 1/4 лажичка
• Пире од тиква – околу 420 гр.

Подготовка:

Додадете ги сите состојки во тенџере, измешајте ги да се соединат на средно-силен оган. Откако ќе почне да врие, намалете ја топлината на минимум и оставете да врие. Гответе без капак околу 20-тина минути, и повремено мешајте. Потоа, оставете убаво да се излади. Доколку правилно се складира, може да се чува во фрижидер до 2 недели.

Нутритивни вредности:

7.  Барчиња со тиква

Состојки:

• Овес – 2 1/4 чаши
• Овесно брашно – 1/2 чаша
• Прашак за пециво – 1 1/4 лажичка
• Цимет – 1 1/2 лажички
• Мелен ѓумбир – 1 лажичка
• Морско оревче – 1/4 лажичка
• Сол – 1/4 лажичка
• Пире од тиква – 3/4 чаши
• Млеко (ниско маслено, бадем, соја..) – 1 чаша
• 1 Јајце
• Путер од кикирики или бадем – 2 лажици
• По избор: сецкани ореви, сушена брусница, парчиња црно чоколадо – 1/4 чаша

Подготовка:

Загрејте ја рерната на 170 степени. Во голем сад измешајте ги овесот, овесното брашно, прашокот за пециво, циметот, ѓумбирот, морското оревче и солта. Во посебен сад изматете ги тиквата, млекото, јајцето и путерот од кикирики додека не се изедначат. Додадете ги влажните состојки во сувите состојки, и потоа нежно измешајте ги, додека не се соединат.

Ставете ја мешавината во тава со картија за печење, и измазнете го тестото рамномерно низ целата тава. Печете околу 20-25 минути. Доколку не сте сигурни дали е готово, земете нож и вметнете го во центарот. Ако ножот излезе чист, вашата смеса е готова. Извадете го тавчето од рерната, и оставете убаво да се излади, а потоа исечете ги барчињата во форма на коцки. Би требало да излезат околу 12 парчиња.

Нутритивни вредности:

Продолжете да истражувате нови и креативни начини да ја вклучите тиквата во вашите оброци и гледајте како таа го трансформира вашето фитнес патување. Доколку пробате некој од овие рецепти или имате свои рецепти инспирирани од тиква, задолжително споделете ги со нас на социјалните мрежи користејќи го хаштагот #PalestraPumpkinFitness. Сакаме да гледаме како нашата фитнес заедница се здружува за да се инспирира и мотивира еден со друг.

Ви благодариме што сте дел од семејството на Palestra Fitness Center. Останете активни, останете здрави и продолжете да уживате во вкусовите на сезоната. Среќна есен и среќно фитнес патување!